شنطة رمضان مع الخير ومؤسسة رحاب الطحان

السلام عليكم جميعا
وكل سنة وانتم أطيب
الموضوع دا بفكركم فيه بشنطة رمضان

عايزة اعترف فى البداية انى مش من المتحمسين اوى للمساعدات اللى بتعتمد على تقديم الاكل واللبس
لكن ظروف السنة دىمختلفة جدا

لدرجة انى بطلب الشنطة دى لناس كتير من ضمنهم ناس عادية لكن الازمة الاخيرة خلتهم فى صف العاطلين والفاقدين للدخل
بالذات بعد ظروف الثورة

اول رمضان بعد الثورة اتمنى انه يظهر كتير من صفاتنا واخلاقنا الجميلة اللى اهمها التكافل والتراحم


مكونات الشنطة يا جماعة تقليدية جدا وكلنا عارفينها
رز -مكرونة - زيت - سكر - بلح -.... الخ

فيه ناس بتحب توزع لحوم او فراخ اوحتى خضروات

فى ناس بتضيف كتيبات واذكار وقصص ملونة عشان يفرحوا كمان اطفال الاسر خاصة مع قرب المدارس اللى هندخل فيها على موسم الادوات والشنط المدرسية

فكروا كدا ممكن نساعد مع بعض ازاى

المطلوب :
48 اسرة فى الفيوم (مساعدات موسمية)
واكتر من 100اسرة بالمنوفية
واكترمن300 اسرة بقرية كفر حكيم والمراكز التابعة ليها (مشروع تطوير قرية كفر حكيم بدا من 2009 ومستمر حتى الان)
50 اسرة بالاسماعيلية
50 اسرة بالجيزة
100 اسرة طنطا وقرى بالغربية
سوهاج - المنيا

اتمنى نلاقى تفاعل مع الموضوع دا ونساعد الاسر دى اللى فى منهم مش بنقدر نقدم لهم اى شئ غير هى مرات قليلة فالسنة فى مواسم بسيطة

نفذى الشنطة بالطريقة اللى تريحك
فى ناس ممكن توفر منتج معين مجانا وبكميات كبيرة او تخفيض محترم
نقدر نستقبله وزميلتنا رشا على المنتدى موفر مخزن وياريت لو فى حد تانى حابب يبدا نشاط التعبئة عنده يعرفنى

وطبعافى ناس تقدر تتبرع بقلوس بس
اتمنى انه يجى اليوم اللى نقدر نقدم فيه للناس علم وعلاج بكرامة مش بس اكل
لاننا فى النهاية لسة مقصرين

 
مؤسسة أجيال رحاب الطحان للرعاية والتنمية

رقم الحساب بنك مصر فرع منوف - ويمكن التبرع من اى فرع لبنك مصر
21775\1\230
برجاء عدم دفع اى مصاريف بنكية لان المؤسسة خيرية وغير هادفة للربح

برجاء اعلامى فى حالة التبرع بتاريخ ورقم الايداع لتخصيص المبلغ للغرض