عنوان و تليفون و صور مزار اجمل مكان مذاكرة في الاسكندرية

انتشرت الفتره الي فاتت اماكن مذاكره كتيره ف اسكندريه وفِي اماكن كتير حسيت انها بتقلد بعضها ومفهاش روح وفي اماكن تبقي قاعد مخنوق فيها وأماكن بتدفع كتير وتحس انه عداد بيعد ..

انا جربت مكان اسمه "مزار" مرتين اول مره ف بدايته خالص وهما لسه بدأين في اتبسط بالفكرة وبروحهم جداً وكان لسه المكان ناقصه حاجات ياما لكن روحت اليومين الي فاته لقيتهم طوروه جداً المكان

النت فيه كويس جدا والاضاءة مريحه اوي وعاليه ..

مغلوش أسعارهم واستغلوا الغلا الي بقي فكل حاجه ..

اليوم ب ١٠ جنيه حتي لو هتقولهم افتحولي مخصوص من ٧ الصبح لحد ما يقفلوا

المطبخ عندهم help yourself ودي فكره جديده علينا بس جميله عندهم اكل وشرب أسعارهم جميله جداً

لو عندك ميتنج الساعه ب ٢ جنيه ولو محتاج شاشه عرض بيوفولك ده ..

والي عجبني اكتر انهم مسلمين المكان لناس اول مره بترسم علي حيطان يجربوا ولو حد عمل حاجه وحشه بيساعدوه يعيدها تاني بشكل احسن وبيدعموه ..

انا فعلا بحس اني في بيتي وصحابه ف كليات لسه وروحهم حلوه اوي ودي احلي حاجه تخليك مرتاح وبيحسوا بينا جدا وبوقت الزنقه الي بنبقي فيه وتاني مستغلوش ده ..

بيعملوا ورش handcraft و كورسات تنميه بشريه ولغات مع معيدين في كليات بأسعار اقل من بره بكتير ..

والحاجه الحلوه ..

لازم تجربوه ....❤️

دلوقتي بقي عندهم مكانين جنب بعض واالاول بروح والتاني بروح جديده خالص ..

عنوانهم الاول:٢٤ شارع ممفيش برج الايمان متفرع من شارع سينما اوديون او نور الاسلام