عنوان و تليفون محل سي فود لا كونكا مساكن شيراتون مصر الجديدة القاهرة صفحة فيسبوك

La Konka

المكان دة اكتشاف فى السى فوود ..يا جدعان دة بيعمل سمك محشى من جواة جمبرى 

بيعامل السى فوود بطريقة تانية خالص يعنى مفيش تفصيص ولا لغوصة ولا أى حاجة أنت بتاكل سمك بطريقه وطعم جداد وكل حاجة بتتعمل أدامك علشان المطبخ مفتوح ... يعنى متخيل محل سى فوود والمطبخ مفتوح ومستحيل تشم ريحة زفارة يبقى أكيد بيقدم حاجة محترمة ... دة غير أن الناس مرحبة جدا عادى انك تقوم تشوف الأكل وهو بيتحضر

المكان فى ترابيزات كتير وجزء مكشوف للقعدة برة ...الموسيقى اللى شغاله والهدوء وجو المكان عموما فعلا هيفصلوك عن أى حاجة خالص وهتبقى متفرغ للأكل وبس 

البداية كانت مع الشوربة اللى أسمها شوربة بطارخ فيه بطارخ تكفى لسنين أدام ...طعم البطارخ وهمى بالكارى مع قطع الجمبرى ..شوربة كدة مش هتقدر تبعد عنها هتخلصها لأخر شفطة وهتبقى عاوز تقوم تطلع جرى بعديها .. وسعرها مناسب جدا مقارنة بأماكن تانية بتقدمها بجودة أقل يمكن ( المنيو مع الصور ) ..من حلاوتها فعلا ممكن الواحد وهو معدى فى اى وقت يطلب واحدة تيك اواى ويستمد الباور منها

و أخدنا كمان فاتح شهية أسمه shrimp bonbon دى بقى عجينة وهمية (ومش هنبالغ لو قولنا ان طعم العجينة هو اللى سيطر علينا مش الجمبرى )بس ملفوفة على شكل بونبناية وجواها جمبرى بخلطة جامدة ..هى أسمها بونبناية بس طعمها خرافى خرافى يعنى مثلا لو واحد طلبها مع الشوربة وبس كدة هيشبع بس هيفوتك كتير.. لأ انتوا أطلبوها شيروا فيه لأن اللى جاى مش مستحمل شير 😊 .اه نسيت بيجى مع صوص جمبيها أوعى تهملة كل واحدة بصوص وواحد من غير وممكن الصوص دة توفرى لأى طبق جاى ..

نوصل بقى لمرة التقيل سى فوود ستافت .. تخيل ان الناس دى عملت سمك محشى سى فوود مش هنقول ع جمال الطعم ولا النضافة هنسيب خيالك يروح لأقصى حاجة ودى كمان بعد أقصى الخيال هو بيديك تنقى حاجتين جانبيتين مع الطبق من أصل 7 حاجات أحنا أختارنا الرز الاحمر ( كنا فاكرينة رز الصيادية ) بس طلع مكسيكى وذرة حلوة ..أحنا قولنا أنه مش تقليدى فطبيعى أن الأطباق الجانبية مش تقليدية بس أختيارات كانت رائعه مع الطبق الوهمى دة ..اللى كل شوكة منه بتحكى طعم ..

وأخيرا الحاجة الجامدة التانيه فتة السى فوود ايوه فتة بعيش تورتيلا محمص ورز بسمتى وجمبرى بصوص أحمر أنا اساسا ريقى جرى وانا بكتب المكونات لوحدها .. حجم الطبق مشبع جدا ومحطوط فيها جمبرى بالوصف كدة تقريبا فى حجم المعلقة ..

وخير الختام فى المكان دة عصير جرجير بالأفوكادو علشان تطلع مشع من المكان 😊 

ملحوظة مهمه : هما عندهم كل الأطباق دى بالفراخ لو معاكم أطفا لاو حد مبيحبش السمك

بيدج المكان : https://www.facebook.com/La-Konka-164712440747128/

العنوان : داخل مول كومبليكس – شارع أنقرة – شيراتون 

التليفون للحجز والأستفسار : 01000081400

اللوكيشن : https://www.google.com/maps/place/30%C2%B006'31.8%22N+31%C2%B022'54.5%22E/@30.1085248,31.3807843,18.25z/data=!4m5!3m4!1s0x0:0x0!8m2!3d30.1088314!4d31.3817978?hl=en