Corner Eleven
فى كام سؤال كدة لازم نلاقيهم فى الرسائل كل يوم وبشدة كمان
دة سؤال منهم عاوزين نعمل عيد ميلاد فى مكان كويس ..وعلشان كل الأماكن والكافيهات متختلفش عن بعض فى اللى بتقدمة فقررنا أننا منتكلمش غير لما نلاقى حاجة جديدة ..ودة اللى لقيناة فى المكان دة
أي رايكم فى مكان نضيف وبيقدم خدمات لعيد الميلاد كمان ومبيستغلش فى حاجات ملهاش لازمة
المكان مفيهوش حاجة أسمها منيمم لأعياد الميلاد ودى حاجة ..سيرفس التورتة مجانا .. الزينة اللى بتتعلق مجانا وكمان أغانى أعياد الميلاد شغالة
مش بس كدة دة الطبق اللى بتيجى فى حتة التورتة بتاعة صاحب العيد ميلاد بتتميز بشكل وكلام وشو جامد جدا
دة غير أن المكان ديكورة ممتاز جدا وهو أسمه 11 كورنر و فعلا كل كورنر معمول بديكور مختلف عن التانى ... من حيث الحوائط او لون الكراسى كل حاجة مختلفة ..
طيب هو أكيد مش عامل كل دة كدة ..المطلوب بس أننا علشان هو محترم ومبيتغلش انه تطلب أكل فى المكان ( أسعارة عادية مش أوفر ) دة غير أن فعلا الأكل عندهم طعمه حلو اوى وفى شيف بيطلع الأكل محترم
طبعا الحلويات عندهم ممتازه والمشروبات كمان
بس خلينا نتكلم عن الأكل أحنا جربنا طبق على أسمهم أسمة تشيكن كورنر حتتين صدور فراخ وعليهم جمبرى وصوص جامد جدا عليهم مش بس كدة دة الصوص دة كمان بيجيلك زيادة مع الطبق تاكلة مع الفراخ جامد تاكلة مع الجمبرى روعة حاجة ملهاش مثيل ..ده أحنا من حلاوتة حطيناة ع الرز
طلبنا كمان مكرونة كواترو ودى مكرونة بأربع أنواع جبن طعمها عالمى الجبن اللى فيها فعلا غنية مش قليلة ولا رخيصة ..ده غير أن حجم الطبق مشبع اوى انت ممكن تستقلة بس أنت كملة من الجبنة اللى فية
أحنا خدنا الطبقين دول بس كأطباق رئيسية مع المقبلات والسلطة ..السلطة الجريك حلوة اوى وجبنتها خفيفة
طبق المقبلات فيه سمبوسك وصوابع موتزاريلا وفراخ كلرسبى
اللى حلو اوى فى الطبق الموتزاريلا دى هنطلبها لوحدها المرة الجاية وش
مكان حلو جدا لأعياد الميلاد وهو مخصص نفسة لكدة
التليفون للحجز : 01022853490 --01111010550
العنوان : 11 شارع عبد المنعم رياض—المهندسين
No comments:
Post a Comment