عنوان و تليفون مطعم و كافيه دكاكين قهوتنا سموحة الاسكندرية

دكاكين ، مكان حلو، و قعدته رايقة كدة، فيه كافيه إسمه قهوتنا .. أيوة كافيه و أيوة إسمه قهوتنا و ماتسألوناش إزاي 😂

دخلنا قهوتنا ..

عندهم تشكيلة حلوة، حلويات على مشروبات ساخنة و باردة و في اكل كمان ممكن تطلبه من المطعم اللي في المكان😉

واحنا  بدأنا بالتقيل 😁 تارت شوكلاتة وتارت كارميل 😍 كانوا كويسين جداً، و جودتهم عالية و سعرهم مناسب، اخدنا معاهم cappuccino و Latte و Hot Cider

العصاير الfresh عندهم كتير, جربنا المانجة و كوكتيل جوافة فراولة، وكوكتيل قوهتنا ده جوافة مانجة فراولة😍

العصاير كويسة و طعم الفاكهة باين كويس فيها، و دي حاجة كويسة.

الكافيه بقى في قعدات كتير ينفع لخروجات الاصحاب و العائلات او الcouples😃 

وفيه كذا مكان ينفعوا لاعياد الميلاد والاعدات الكبيرة 🎉🎊 وفيه كمان PlayStation 🎮  فالخروجة كلها تنفع هناك فا لموا بعضكم مرة وجربوه

الصبح بقى المكان بيكون مناسب جدا لمذاكرة الطلبة، طيب إحنا في الأجازة إيه لازمة السيرة دي دلوقتي؟! 

هو يعني إحنا بنذاكر في الدراسة لما هنذاكر في الأجازة؟! أكيد لأ، إحنا بس بنعمل اللي علينا و بنقول علشان لو في حد اتجنن و قرر يذاكر التيرم الجاي مثلاً 

طيب احنا جعنا بقى، بقالنا كتير في المكان و الصراحة مهما كان، الحلويات مابتشبعش، لازم اكله محترمة.

لقينا جوا المكان في مطعم إسمه Face4 ايوة زي ماقريتها كدة  فسفور 😂. عندهم ساندوتشات seafood، و مكرونات seafood وكبسة seafood

و كل حاجة بالsea food 😍

جربنا منهم كذا حاجة، كان لطيف، جربو اكله و قولولنا رأيكم.

بردو وانت في قهوتنا لو حابب ممكن تطلب اي اوردر من اي مطعم بره المول، فا مالكش حجة😂

جربوا المكان و قولولنا رأيكم 😉

المكان : سموحة، خلف جرين بلازا، الشارع اللي بعد المرور على اليمين. الأسكندرية.

تليفون: 01007461071

الخصم ساري من يوم الأثنين 12 فبراير حتى الخميس 22 فبراير.