عنوان و تليفون مطعم اكل هندي في الاسكندرية انديا جيت India Gate Restaurant

اللي حصل ده مايتسكتش عليه أبداً !

و قلنا لازم نحكيلكم عليه ..

المكان إسمه India Gate Restaurant

اللي مايعرفش India gate هو من واحد من افضل المطاعم اللي بيعملوا أكل هندي في مصر، ده لو ماكانش الأفضل على الإطلاق ♥

مع إن India Gate مش فاتح من فترة كبيرة بس قدر يبقى Brand كبير جداً في القاهرة، الناس و المشاهير بيروحوله من كل محافظات مصر و فعلاً زي ما بيقولوا قدر في خلال 9 شهور بس يكون أحد معالم القاهرة 😍

و علشان الإسكندرانية دايماً محظوظين، India Gate فتح تاني فرع ليه عندنا في اسكندرية من 3 اسابيع تقريباً 😉

ماكانش ينفع نفوت فرصة زي دي من غير مانستغلها و نحكيلكم عن المكان.

مبدأياً كدة إحنا بنرشحلكم المكان ده و بقوة، و بنقولكم روحوا هناك على مسؤوليتنا، و ماتنسوش تدعولنا 😉

بس قبل ما نقول أي حاجة لازم نقولكم إن المكان ده بجد إدمان، إحنا من يوم ما جربناه و بقينا بنروح تقريباً كل يومين 😂  فياريت الناس اللي بتعمل دايت و أصحاب القوام الممشوق يقفلوا الPost دلوقتي 😂

بالنسبة للأكل الهندي في خطأ شائع إنه كله Spicy جداً و إن البهارات الهندية ماحدش يقدر عليها 😂

لكن الحقيقة الكلام ده مش مظبوط، الأكل الهندي ممكن تطلبه مش Spicy خالص، و بيبقى اطعم و ألذ بكتييير 😍 إلا بقى لو انت اساساً بتحب الشطة😉

من مميزات المكان ده إنه فعلاً اسعاره قليلة مقارنة بجودة و كمية الأكل ♥

ندخل عالأكل بقى ..

ركزوا معايا .. لو عمرك ماجربت اكل هندي قبل كدة هتحس إنك تايه في المنيو، تقوم تعمل إيه بقى؟ تنادي على الكابتن و تطلب الوجبة الكومبو، دي وجبة تكفي فردين اكيلة و هتشبعهم جداً و يتبقى منها كمان، احسن حاجة في الوجبة دي إنها بتخليك تجرب حاجة من كل حاجة، و الكابتن هيشرحلك محتويات كل صنف و يساعدك في إختيار مكونات الوجبة 😉

من أجمل الأصناف عندهم و اللي لازم تطلبوه أول حاجة هو Prawn Biryani او بالعربي رز بالجمبري، الطبق فعلاً طعمه وهم، و مايختلفش عليه 2، و عموماً كل انواع الرز عندهم حلوة جداً 😍

جربوا كمان Lasooni Tika دي عبارة عن صدور دجاج بالثوم، الفراخ غرقانه في صوص طعمه حلو اوي، خد الصوص حطه على الرز و كله هيعجبك اوي و الفراخ طعمها عظيم.

من اجمل الحاجات عندهم بردو Murg Malai، دي وراك فراخ بالجبنه، طعمها فظيع و الصوص بردو فظيع 😍

المنيو فيه إختيارات كتييييير جداً، و ماتقلقوش الكابتن هيساعدكم تختاروا الحاجات اللي تتناسب مع بعضها 😉

و عندهم شوية سلاطات الbase بتاعها زبادي مالهاش حل، طعمها مختلف و حلو، ننصحكم تجربوا منهم زبادي بالخضار و زبادي بالأناناس 😉

بعد الأكل طلبنا Ice cream جوز هند، مبدأياً الIce cream بتاعهم مفيش حد بيعمله في اسكندرية تقريباً غيرهم، لما تجربه هتعرف إنه مختلف عن أي حاجة جربتها قبل كدة، و بيتقدم جوة ثمرة جوز هند حقيقية 😉

جربنا كمان مانجو لاسي، ده عبارة عن مانجو و زبادي و Ice cream معمولين عصير مع بعض.

المكان شيك جداً و الديكور بتاعه تحفة، و حلو اوي للتصوير، خصوصاً إن عندهم لبس هندي ممكن تلبسه و تتصور بيه، و كمان عندهم فيلين واقفين قدام المكان ممكن تصوروا معاهم.

إحنا بنحب india Gate بجد، و متأكدين إنكم كمان هتحبوه. جربوه و إدعولنا 😍

المنيو في أول Comment

عنوان فرع الأسكندرية: ميراج ميني مول، بجوار نادي لاجوون و أمام كارفور City centre

عنوان فرع القاهرة: 14 شارع عزت سلامه، متفرع من عباس العقاد، مدينة نصر

تليفون: 01203511666-01090614376

#Stops

#India_Gate